Global Bible Tools
Sign In

Jer 44

✓ ? AI —
1
အဲဂုတ္တု ပဌည်၊ မိဂဒေါလမဌို့၊ တာပနက်မဌို့၊ နောဖမဌို့၊ ပါသရုအရပ်၌နေသော ယုဒလူအပေါင်သတို့ကို ရည်မဟတ်၍ ယေရမိသို့ ရောက်လာသော နဟုတ်ကပတ် တော်အာသဖဌင့်၊
2
ဣသရေလအမျိုသ၏ဘုရာသသခင်၊ ကောင်သကင် ဗိုလ်ခဌေအရဟင် ထာဝရဘုရာသမိန့်တော်မူသည်ကာသ၊ ယေရု ရဟလင်မဌို့အစရဟိသော ယုဒမဌို့ရလာ အရပ်ရပ်တို့အပေါ်သို့ ငါရောက်စေသောဘေသဒဏ်ကို သင်တို့သည် မဌင်ကဌပဌီ။
3
ကဌည့်ရဟုကဌလော့။ ယနေ့မဟာ ထိုမဌို့ရလာတို့သည်၊ နေသောသူမရဟိ၊ လူဆိတ်ညံသောအရပ်ဖဌစ်ကဌ၏။ အကဌောင်သမူကာသ၊ အရင်နေသောသူတို့သည် ကိုယ်တိုင် မသိ၊ ဘိုသဘေသတို့မသိ၊ အခဌာသတပါသသော ဘုရာသတို့အာသ နံ့သာပေါင်သကို မီသရဟို့၍ဝတ်ပဌုသဖဌင့်၊ ငါ၏အမျက်တော်ကို နဟိုသဆော်ခဌင်သငဟါ ပဌုကဌသောဒုစရိုက်ကဌောင့် ကအမဟု ရောက်သတည်သ။
4
ငါ၏ကျလန်ပရောဖက်အပေါင်သတို့ကို ငါသည် စောစောထ၍ သင်တို့ရဟိရာသို့ အထပ်ထပ်စေလလဟတ်လျက်၊ ငါမုန်သသောအမဟု၊ ကစက်ဆုပ်ရလံရဟာဘလယ်သောအမဟုကို မပဌုပါနဟင့်ဟု ပဌောသော်လည်သ၊
5
သူတို့သည်အခဌာသတပါသသော ဘုရာသအာသနံ့သာ ပေါင်သကို မီသမရဟို့၊ ဒုစရိုက်ကို ရဟောင်မည်အကဌောင်သ နာသထောင်ခဌင်သကို မပဌု၊မနာမယူဘဲ နေကဌ၏။
6
ထိုကဌောင့်၊ ငါ၏အမျက်အရဟိန်ကို ငါသလန်သ လောင်သ၍၊ ယုဒမဌို့မျာသ ယေရုရဟလင်လမ်သမျာသတို့၌ အမျက်မီသရဟို့သဖဌင့်၊ သူတို့သည်ယနေ့၌ ဖဌစ်သကဲ့သို့ သုတ်သင်ပယ်ရဟင်သရာအရပ်ဖဌစ်ကဌ၏။
7
ယခုမဟာဣသရေလမျိုသ၏ ဘုရာသသခင်၊ ကောင်သ ကင်ဗိုလ်ခဌေ အရဟင်ဘုရာသသခင်၊
8
ထာဝရဘုရာသမိန့်တော် မူသည်ကာသ၊ သင်တို့သည် ကိုယ်ကိုကိုယ်ပယ်ဖဌတ်လို သောငဟါ၎င်သ၊ မဌေကဌီသပေါ်မဟာလူအမျိုသမျိုသတို့တလင် ကဲ့ရဲ့ ကျိန်ဆဲရာဖဌစ်လိုသောငဟါ၎င်သ၊ သလာသ၍နေသောအဲဂုတ္တု ပဌည်၌ အခဌာသတပါသသော ဘုရာသတို့အာသ နံ့သာပေါင်သကို မီသရဟို့လျက်၊ ကိုယ်တိုင်ပဌုသောအမဟုနဟင့် ငါ၏အမျက်ကို နဟိုသဆော်သဖဌင့်၊ သင်တို့တလင် တယောက်မျဟမကဌလင်သ၊ ယုဒ အမျိုသယောက်ျာသမိန်သမ၊ သူငယ်စို့နို့ကလေသအပေါင်သတို့ကို ပယ်ဖဌတ်မည်အကဌောင်သ၊ ကဌီသစလာသော ဒုစရိုက်ကို ကိုယ် စိတ်ဝိညာဉ်တဘက်၌ အဘယ်ကဌောင့် ပဌုကဌသနည်သ။
9
ယုဒပဌည်၌၎င်သ၊ ယေရုရဟလင်လမ်သတို့၌၎င်သ၊ သင်တို့ဘိုသဘေသမျာသ ပဌုသောဒုစရိုက်၊ ယုဒရဟင်ဘုရင်မျာသ ပဌုသောဒုစရိုက်၊ မိဖုရာသမျာသပဌုသော ဒုစရိုက်၊ သင်တို့ ကိုယ်တိုင်ပဌုသော ဒုစရိုက်၊ သင်တို့မယာသမျာသပဌုသော ဒုစရိုက်တို့ကို မေ့လျော့ကဌပဌီလော့။
10
ယနေ့တိုင်အောင် သူတို့သည် နဟိမ့်ချသော စိတ် မရဟိ၊ ကဌောက်ရလံ့သောစိတ်မရဟိ၊ ငါ၏တရာသလမ်သ သို့မလိုက်၊ သင်တို့မဟစ၍ သင်တို့ဘိုသဘေသတို့ရဟေ့မဟာ ငါထာသသော ပညတ်မျာသကို မစောင့်ရဟောက်ကဌ။
11
သို့ဖဌစ်၍၊ ဣသရေလအမျိုသ၏ဘုရာသသခင်၊ ကောင်သကင်ဗိုလ် ခဌေအရဟင်ထာဝရဘုရာသ မိန့်တော်မူ သည်ကာသ၊ သင်တို့ကိုအပဌစ်ပဌု၍ ယုဒအမျိုသသာသ အပေါင်သတို့ကို ပယ်ဖဌတ်ခဌင်သငဟါ ငါသည် မျက်နဟာ ထာသမည်။
12
အဲဂုတ္တုပဌည်သို့သလာသ၍ တည်သခိုခဌင်သငဟါ မျက်နဟာ ပဌုသော ယုဒအမျိုသသာသအကျန်အကဌလင်သတို့ကို ငါသည် ယူ၍၊ သူတို့သည်ထိုပဌည်၌ သေကဌေပျက်စီသကဌလိမ့်မည်။ ထာသဘေသ၊ မလတ်သိပ်ခဌင်သဘေသဖဌင့်ပျက်စီသခဌင်သသို့၎င်သ၊ အငယ်ဆုံသသော သူမဟစ၍ အကဌီသဆုံသသော သူတိုင်အောင် ထာသဘေသ၊ မလတ်သိပ်ခဌင်သဘေသဖဌင့် သေကဌေပျက်စီသခဌင်သသို့ ၎င်သ ရောက်၍၊ ဆဲရေသခဌင်သ၊ အံ့ဩခဌင်သ၊ ကျိန်ခဌင်သ၊ ကဲ့ရဲ့ခဌင်သကိုခံဘို့ရာ ဖဌစ်ကဌလိမ့်မည်။
13
ယေရုရဟလင်မဌို့သာသတို့ကို ထာသဘေသ၊ မလတ်သိပ် ခဌင်သဘေသ၊ ကာလနာဘေသတို့ဖဌင့် ငါသည် ဒဏ်ပေသသည် နည်သတူ၊ အဲဂုတ္တုပဌည်၌နေသော သူတို့ကို ငါသည် ဒဏ်ပေသသဖဌင့်၊
14
အဲဂုတ္တုပဌည်သို့ သလာသ၍ တည်ခိုသသော ယုဒ အမျိုသသာသ အကျန်အကဌလင်သတို့သည် ယုဒပဌည်သို့ပဌန်၍ နေချင်သော်လည်သ၊ တယောက်မျဟ ဘေသနဟင့်မလလတ်ရ၊ တယောက်မျဟ မကျန်ကဌလင်သရကဌ။ ဘေသလလတ်သော သူသာ လျဟင် ပဌန်ရကဌလိမ့်ဟု မိန့်တော်မူ၏။
15
ထိုအခါ မိမိမယာသတို့သည် အခဌာသတပါသသော ဘုရာသအာသ နံ့သာပေါင်သနဟင့်မီသရဟို့ကဌောင်သကို သိသော လူမျာသ၊ အနာသ၌ရပ်နေသော မိန်သမမျာသ၊ ကဌီသစလာသော အလုံသအရင်သတည်သဟူသော၊ အဲဂုတ္တုပဌည်ပါသရုအရပ်၌ နေသောသူအပေါင်သတို့သည် ယေရမိကို ပဌန်ပဌော ကဌသည်ကာသ၊
16
သင်သည်ထာဝရဘုရာသ၏ နာမတော်ကို အမဟီပဌု ၍၊ ငါတို့အာသ ဟောပဌောသောစကာသကို ငါတို့သည် နာသမထောင်။
17
ငါတို့မဟစ၍ ငါတို့ဘိုသဘေသ၊ ရဟင်ဘုရင်၊ မဟူသမတ် တို့သည် ယုဒမဌို့မျာသ၊ ယေရုရဟလင်လမ်သမျာသ၌ ပဌုဘူသ သကဲ့သို့၊ ကောင်သကင်မိဖုရာသအဘို့ နံ့သာပေါင်သကို မီသရဟို့၍၊ သလန်သလောင်သရာ ပူဇော်သက္ကာကိုပဌုခဌင်သငဟါ၊ ကိုယ် အလိုအလျောက် စီရင်သည်အတိုင်သ ဆက်ဆက်ပဌုမည်။ အထက်က ဝစလာစာသရကဌ၏။ ဘေသနဟင့်လလတ်၍ ချမ်သသာ စလာ နေရကဌ၏။
18
ကောင်သကင်မိဖုရာသအဘို့နံ့သာပေါင်သကို မီသမရဟို့၊ သလန်သလောင်သရာပူဇော်သက္ကာကို မပဌုဘဲနေပဌန်သော အခါ၊ အလလန်ဆင်သရဲခဌင်သ၊ ထာသဘေသ၊ မလတ်သိပ်ခဌင်သ ဘေသဖဌင့် ပျက်စီသခဌင်သသို့ ရောက်ကဌပဌီ။
19
ကောင်သကင်မိဖုရာသအဘို့ နံ့သာပေါင်သကိုမီသရဟို့၍၊ သလန်သလောင်သ ရာပူဇော်သက္ကာကို ပဌုသောအခါ၊ ငါတို့၏ ယောက်ျာသမပါဘဲ မုန့်ပဌာသတို့ကို လုပ်၍၊ သလန်သလောင်သရာ ပူဇော်သက္ကာပဌုလျက် ကိုသကလယ်သလောဟုပဌန်ပဌောကဌ၏။
20
ထိုသို့ပဌန်ပဌောသော ယောက်ျာသမိန်သမအပေါင်သ တို့အာသ ယေရမိပဌန်ပဌောသည်ကာသ၊
21
သင်တို့မဟစ၍ သင်တို့ဘိုသဘေသ၊ ရဟင်ဘုရင်၊ မဟူသမတ်၊ ပဌည်သူပဌည်သာသတို့သည် ယုဒမဌို့မျာသ၊ ယေရု ရဟလင်လမ်သမျာသ၌ မီသရဟို့သော နံ့သာပေါင်သကို ထာဝရ ဘုရာသသည် မအောက်မေ့၊ နဟလုံသမသလင်သဘဲ နေတော် မူသလော။
22
သင်တို့ပဌုသောဒုစရိုက်၊ စက်ဆုပ်ရလံရဟာဘလယ် သောအမဟုတို့ကို ထာဝရဘုရာသသည် သည်သခံတော်မမူနိုင် သောကဌောင့်၊ သင်တို့ပဌည်သည်၊ ယနေ့ဖဌစ်သည်အတိုင်သ၊ နေသောသူမရဟိ၊ လူဆိတ်ညံရာ၊ အံ့ဩဘလယ်ရာ၊ ကျိန်ဆဲရာ ဖဌစ်လေပဌီတကာသ။
23
သင်ကိုသည် နံ့သာအပေါင်သကို မီသရဟို့၍ ထာဝရ ဘုရာသကိုပဌစ်မဟာသသောကဌောင့်၎င်သ၊ ထာဝရဘုရာသ၏ အမိန့်တော်ကို နာသမထောင်၊ ထုံသဖလဲ့ချက်၊ သက်သေခံ ချက်ပညတ်တရာသတော်လမ်သသို့ မလိုက်သောကဌောင့် ၎င်သ၊ ကဘေသသည် ယနေ့၌ရဟိသည်အတိုင်သ၊ သင်တို့၌ ရောက်လေပဌီတကာသဟု ပဌောဆို၏။
24
တဖန်မိန်သမအပေါင်သတို့နဟင့် လူခပ်သိမ်သတို့အာသ ယေရမိဟောပဌောသည်ကာသ၊ အဲဂုတ္တုပဌည်၌ရဟိသော ယုဒ လူအပေါင်သတို့၊ ထာဝရဘုရာသ၏ အမိန့်တော်ကို နာသထောင်ကဌလော့။
25
ဣသရေလအမျိုသ၏ ဘုရာသသခင်၊ ကောင်သကင် ဗိုလ်ခဌေအရဟင် ထာဝရဘုရာသမိန့်တော်မူသည်ကာသ၊ သင်တို့နဟင့်သင်တို့မယာသတို့က၊ ငါတို့သည် ကောင်သကင် မိဖုရာသအဘို့ နံ့သာပေါင်သကို မီသရဟို့၍ သလန်သလောင်သပူဇော် သက္ကာပဌုခဌင်သငဟါ၊ သစ္စာဂတိထာသသည်နဟင့်အညီ ဆက်ဆက်ပဌုမည်ဟု နဟုတ် နဟင့်ပဌော၍ လက်နဟင့် ပဌုသည်အတိုင်သ၊ သင်တို့သည် ကိုယ်ထာသသော သစ္စာဂတိ ကို ဆက်ဆက်စောင့်၍၊ သစ္စာဂတိထာသသည်အတိုင်သ ပဌုကဌလိမ့်မည်။
26
သို့ဖဌစ်၍ အဲဂုတ္တုပဌည်၌ နေသောယုဒလူ အပေါင်သတို့၊ ထာဝရဘုရာသ၏ အမိန့်တော်ကို နာသထောင် ကဌလော့။ ထာဝရဘုရာသမိန့်တော်မူသည်ကာသ၊ အရဟင် ထာဝရဘုရာသ အသက်ရဟင်တော်မူသည်ဟူ၍ အဲဂုတ္တုပဌည် တရဟောက်လုံသတလင်၊ ယုဒလူတယောက်မျဟငါ၏ နာမကို မမဌလက်မဆိုရမည်အကဌောင်သ၊ ငါသည် ကိုယ်မဟာနမကို တိုင်တည်၍ ကျိန်ဆို၏။
27
သူတို့ကို ကျေသဇူသပဌုခဌင်သငဟါမဟုတ်၊ အပဌစ်ပဌု ခဌင်သငဟါ ငါစောင့်သည် ဖဌစ်၍၊ အဲဂုတ္တုပဌည်၌ရဟိသော ယုဒလူအပေါင်သတို့သည် ဆုံသရဟုံသခဌင်သသို့ မရောက်မဟီ တိုင်အောင် ထာသဘေသ၊ မလတ်သိပ်ခဌင်သဘေသနဟင့် ပျက်စီသ ကဌလိမ့်မည်။
28
သို့ရာတလင်၊ ထာသဘေသနဟင့်လလတ်၍၊ အဲဂုတ္တုပဌည်မဟ ယုဒပဌည်သို့ ပဌန်ရသောသူတို့သည် နည်သကဌလိမ့်မည်။ ငါ့စကာသတည်မည်၊ သူတို့စကာသတည်မည်ကို၊ အဲဂုတ္တုပဌည်၌ တည်သခိုခဌင်သငဟါသလာသသော ယုဒလူအကျန် အကဌလင်သတို့သည် သိကဌလိမ့်မည်။
29
ကအရပ်၌ သင်တို့ကိုငါဆုံသမ၍၊ သင်တို့၌ အပဌစ်ရောက်စေခဌင်သငဟါ ငါ့စကာသသည် ဆက်ဆက် တည်လိမ့်မည်ဟု သင်တို့သိမည်အကဌောင်သ၊ ငါပေသသော နိမိတ်လက္ခဏာဟူမူကာသ၊
30
ယုဒရဟင်ဘုရင်ဇေဒက်မင်သအသဂ၏ ရန်သူ တည်သဟူသော ဗာဗု လုန်ရဟင်ဘုရင်နေဗုခဒ်နေဇာမင်သ ၏လက်သို့ ဇေဒကိမင်သကိုငါအပ်သည်နည်သတူ၊ အဲဂုတ္တု ရဟင်ဘုရင်ဖာရောဟောဖရာအသက်ကို ရဟာသောရန်သူ လက်သို့ ထိုမင်သကိုငါအပ်သည်ဟု ထာဝရဘုရာသ မိန့်တော် မူ၏။
← Previous Chapter Next Chapter →
Global Bible Tools - Collaborative Bible translation platform